南京大屠殺無論喺任何時代都係無數國人嘅傷痛，而今日正正就係中國第八個南京大屠殺死難者國家公祭日，到底點解我哋需要銘記歷史呢？以下呢個新嘅鐵證可能畀到一啲啟示畀大家。
喺1937年12月13日，南京城就經歷咗一場反人類嘅戰爭罪行，至少有三十萬中國軍民死於呢場屠殺當中，仲有無數嘅婦女被姦淫。對於呢件反人類罪行，當時國際社會到底係點睇？當年12月18日《紐約時報》以《所有的俘虜均遭屠殺》為題刊登咗美國記者德丁對「南京大屠殺」嘅報導，而近日就有媒體搵到一盒30年前德丁喺紐約舉行記者會嘅全程錄影帶。
喺整場記者會當中，德丁喺95分鐘入面就答咗112個問題，完整徹底揭露日本極右政客篡改歷史嘅行徑。喺1992年5月18日，德丁應紐約「紀念南京大屠殺受難同胞聯合會」出席記者會，而其實喺1990年日本極右政客石原慎太郎公開宣稱『1937年南京大屠殺是中國人編的故事，是一個謊言』。對於呢個指控，德丁詳述自己喺大屠殺當中嘅所見，明確指出「日本人把射殺中國士兵當作很好的遊戲」，甚至詳細描述江邊、國際俱樂部屍橫片野嘅慘況，完美戳破日本右翼謊言！
原圖嚟自網絡